Тус банк Монголд анх удаа АНУ-ын Кива байгууллагатай хамтран санхүүгийн зуучлалын үйлчилгээ үзүүлэх “Кива” төслийг өнгөрсөн нэгдүгээр сараас хэрэгжүүлж эхэлжээ. Кива нь АНУ-д төвтэй дэлхийн 49 оронд үйл ажиллагаагаа явуулдаг ашгийн бус байгууллага бөгөөд “Зээл таны амьдралыг өөрчилж чадна” хэмээх уриан дор нийгэм дэх ядуурлыг багасгах эрхэм зорилго бүхий байгууллага аж. Хөгжингүй болон хөгжиж буй 49 орны орлого багатай бизнес эрхлэгчдэд шаардлагатай байгаа мөнгөний эх үүсвэрийг нь зуучлан олж өгөх үйлчилгээг үзүүлдэг аж.

Энэхүү хамтарсан төсөлд Кива байгууллага зээлдүүлэгчийг, “Хас” банкны зүгээс өөрсдийн харилцагчиддаа бизнесийн үйл ажиллагагаа өргөжүүлэх, амьжиргаагаа дээшлүүлэх боломжийг олгосон үйл ажиллагаа болжээ. Төсөлд одоогийн байдлаар 1100 гаруй бичил бизнес эрхлэгчид хамрагдаж, нийт нэг сая гаруй ам.доллартай тэнцэх төгрөгийн зээлийг зуучлан олгосон байна.